Pres. Duterte, naglabas ng P27.1 billion para labanan ang coronavirus

Naglabas ng P27.1 billion na pondo ang Pangulong Duterte para masugpo ang pagkalat ng coronavirus disease 2019 o COVID-19 sa Pilipinas.

Inanunsyo ng economic team ng Pangulong Rodrigo Duterte noong Lunes, March 16, ang paglalabas ng P27.1-billion package ng gobyerno para tulungan ang frontliners na labanan ang pagkalat ng coronavirus sa bansa.

Layunin rin ng bilyun-bilyong pondo na magbigay ng economic relief sa mga sektor na nangangailangan.

Sa pamamagitan nito, inaasahang matutugunan ng sapat ang lahat ng pangangailangan ng health workers kontra COVID-19.

Narito ang breakdown:


P3.1 billion - Pondo mula sa Philippine Amusement and Gaming Corporation, Philippine Charity Sweepstakes Office, and Asian Development Bank na gagamitin para itigil ang pagkalat ng coronavirus. Kabilang dito ang pag-procure ng test kits.

P2 billion - Manggagaling sa DOLE o Department of Labor and Employment, gagamitin bilang wage subsidy o financial support para sa mga affected establishments at workers.

P1.2 billion - Mula sa SSS o Social Security System, nakalaan para sa unemployment benefits ng mga dislocated workers.

P3 billion - Scholarship programs mula sa Technical Education and Skills Development Authority para suportahan ang mga temporarily displaced workers.

P14 billion - Pondo para sa various programs at projects ng Department of Tourism para sa tourism industry, magmumula sa Tourism Infrastructure and Enterprise Zone Authority o TIEZA, 

P2.8 billion - Ilalaan para sa Survival and Recovery Aid Program of the Department of Agriculture-Agricultural Credit Policy Council (ACPC).

"This initiative includes a one-year moratorium without interest on payments of outstanding loan obligations of small farmers and fisherfolk borrowers under the ACPC Credit Program amounting to P2.03 billion."

P1 billion - Nakalaan para sa Pondo sa Pagbabago at Pag-Asenso o ang P3 microfinancing special loan package ng Small Business Corporation by the Department of Trade and Industry.

Love this article? Sharing is caring!