Sa kabila ng iba’t ibang opinyon at pagtatalo ngayon sa bansa dahil sa takot sa sakit na dulot ng nCoV, isang OFW mula China ang nagbahagi ng kanyang saloobin para sa mga kapwa niya Pilipino.
Imahe mula sa Facebook account ni Leo Rogelio

Sa isang open letter, ibinahagi ng netizen na si Leo Rogelio ang kanyang pagkadismaya at sama ng loob sa kapwa Pilipino at tinawag niya itong mga ‘racists.’

Narito ang kanyang buong post:

"Dear PINOY RACISTS,

Isa ako sa mga libo-libong OFW na nag t-trabaho sa China. Isang maunland na bansa na inyong nilalait at hinahamak na akala nyo ay mas magaling kayo sa mga intsik. Na akala nyo mas nakaka-angat kayo sa nga intsik. Huwag po ganun. Dahil ang totoo wala tayong panama sa kanila. Maganda makitungo ang nga intsik sa aming mga OFW, hindi tulad sa Middle East na may mga kaso ng kaharasan. Dito sa China ay mataas ang respeto sa mga Pilipino. Pamilya ang turing sa amin at handa silang tumulong sa amin kahit dis oras na ng gabi. Kaya hindi matanggap ng sikmura ko ang mga masasamang salita nyo sa kanila na kayo na hindi manlang nakaranas manirahan doon. Kayo na mga walang ka alam-alam ay sya pa itong wagas makapang lait at makapang husga sa mga Intsik.

Bago kayo magmagaling, at bago nyo sabihin na mas nakaka-angat kayo sa mga intisk ay siguradohin nyo muna na sumasahod ang mga KASAMBAHAY nyo ng 70,000 - 120,000 pesos a month dahil ganun magpasahod ang mga intsik na hinahamak nyo sa nga DH nating kababayan doon. Isama mo na jan ang bedroom ng DH nating kababayan na mala pang prinsesa sa ganda.

Bago kayo mang-alipusta sa mga intsik, siguradohin nyo muna sumasahod ang mga guro nyo dito sa Pinas ng 75,000 - 300,000 pesos a month dahil ganun magpasahod ang mga itsik na nilalait ninyo sa ating mga kababayang teachers doon. Mas higit pa jan kumita ang nga engineers.

Bago kayo magyabang, siguradohin nyo muna kaya nyong kumain ng lugaw sa tabi-tabi habang naka park ang Lamborghini o Ferrari mo sa tabi-tabi din. Opo, ganun sila ka walang arte sa katawan. Mayayaman pero mga simple!

Bago kayo manghamak, siguradohin nyong kaya ng gobyerno natin na gumawa ng tunnel sa ilalim ng bundok upang tuwid ang paggawa ng daan at hindi na kailangan kalbohin ang kabundukan dahil ganun ka efficient ang China na nilalait nyo may concern sa kapaligiran!

Bago kayo magmarunong, siguradohin nyong itinuturo ang engineering math sa highschool pa lang dahil yan ang turo sa China na hinahamak nyo! Mula primary, middle school, jr. at sr. high ay advance ang academic subjects nila lalo na ang math at science. Eh kayo?

Bago kayo mam bully, siguradohin nyo na kaya ng mga anak ninyong 3 years old na magsuot ng sarili nyang sapatos, pantalon, damit at kumain ng sa sarili. Dahil ganyan ang trainjng ng nga batang Chinese na nilalait ninyo. At 4 , ball dribbling ang training sa kindergarten schools at shoe lacing, at 5-6 jumping rope at lahat ng basic life learning skills alam na nila!

Bago kayo mag yuck-yuck jan, siguradohin ninyong may mga malilinis na public toilets sa bawat baranggay o community sa inyong lugar dahil ganyan dito sa China at routine na sa kanila ang mag hugas ng kamay pagkatapos umihi! Ganun din ba kayo? May malinis na toilet ba sa baranggay ninyo na may water supply at naka tiles pa?

Bago nyo i down ang China, siguradohin nyong kaya nyong gumawa ng building ng ilang araw lang, i renovate ang empty buildings in 2 days at i sanitize ang buong city in 1 day! Kaya nyo? Relief good nga lang ninanakaw pa!

An dami ninyong sinasabi sa China at mga Chinese na wala nman ginagawang masama ang mga ito sa inyo. Katangahan at kabobohan yang ipinapakita ninyo. Dahil sa China gumagaan ang pamumuhay ninyo! 90% ng mga gamit nyo at sa bahay ninyo ay gawa sa China. Hindi nyo lang alam yan dahil nga wala kayong alam. Hindi nyo alam na halos lahat ng company sa mundo ay may factory sa China! Galit ka sa China? Kung ang phone na gamit mo ay iphone, Samsung, oppo, lenovo, huawei, Mi, HTC, vivo at Sony ay itapon mo dahil made in China yan sigurado ako!

Payo ko lang, walang may gusto sa sakit na n-cov. Hindi nakakatulong ang mga paninira ninyo. Tama na. Sa panahon ngayon mas lalo natin kailangan ang isa’t-isa. WE ARE ASIAN AND WE SHOULD WORK AS ONE!"


***


Love this article? Sharing is caring!

Open letter ng isang OFW sa China para sa mga racist na Pinoy, nag-viral Open letter ng isang OFW sa China para sa mga racist na Pinoy, nag-viral Reviewed by Nathan Singson on 6:33 PM Rating: 5

No comments:

Share your thoughts here...

Powered by Blogger.