'FOR FILIPINO ONLY': Mga Chinese, namigay ng face mask exclusive para sa mga pinoy

Sa gitna ng magulong sitwasyon ngayon dahil sa banta ng sakit dala ng nCoV, namataan ng isang netizen ang mga Chinese na ito na namimigay ng face mask para lamang sa mga Pilipino.

Kung hindi nagtataasan ng presyo, ubusan naman ng face mask ang sitwasyon ngayon sa maraming tindahan dahil sa mga nananamantala.

Mabuti na lamang ay may mga katulad ng mga intsik na ito na kusang namigay ng mga libreng face mask sa mga pinoy sa kabila ng panganib na makisalamuha sa ibang tao.

Ayon sa Facebook post ni Rhyan Nico Baluyot, netizen na nag-upload ng larawan, mismong ang mga intisk sa litrato ang syang namimigay ng mga face mask sa mga pinoy na dumadaan.